На 120 км од Солун на десната страна од првиот крак на Халкидики - Касандра, се наоѓа малото гратче Неа Скиони. Ретко традиционално грчко рибарско место, опкружено со природни убавини, оддамна ги привлекува туристите да уживаат во прекрасните плажи покрај синото море, убавите таверни и сенките на околното зеленило. Неа Скиони има пристаниште кое е едно од најголемите на Касандра, а со останатите негови содржини, денес со право го вбројуваат и во листата на најинтересни туристички места на полуостровот Халкидики. Во центарот се наоѓа мало детско игралиште покрај марината. На само 2 км од местото се наоѓа црквата Света Богородица од 16 век.