ПРОГРАМА НА ПАТУВАЊЕТО: 5 дена / 4 ноќевања
29. декември (вторник) СКОПЈЕ - РИМ
Состанок на групата на скопскиот аеродром во 13:55 часот. Лет за Рим W6 4757 во 15:55ч. Пристигнување во Рим во 17:40 часот. Трансфер до хотелот. Сместување во хотел. Вечерта слободно време за индивидуални
активности и прошетки. Ноќевање.
30. декември (среда) РИМ (Панорамски разглед)
Појадок. Пешачки панорамски разглед (со јавен превоз): разгледот започнува кај триумфалната порта на цар Константин, покрај Колосеумот, по улицата Фиори Империали каде ќе се запознаете со Римскиот форум и историјата на Рим во времето на античкиот и царскиот период. Разгледот продолжува кон плоштадот Кампидољо каде што се наоѓа најпознатиот музеј во Рим, општината на градот и седиштето на градоначалникот, дизајниран од Микеланџело. Продолжуваме покрај плоштадот Венеција, каде се наоѓа гробницата на незнајниот јунак во олтарот дела Патриа и споменикот на Виторио Емануеле II. Прошетка по познатата Виа Дел Корсо (најпознатата шопинг улица), посета на фонтаната di Trevi, пред да продолжите понатаму незаборавајте да фрлите паричка, за да го обезбедите вашето враќање во Вечниот град. Покрај познатите Шпански скали каде се наоѓа познатата фонтана дела Баркача од Бернини, разгледот завршува на плоштадот Пјаца дел Пополо, кој се наоѓа на северната порта на Аурелијанските ѕидини, во минатото низ порта Фламинија или Порта дел Пополо, патникот го имал првиот поглед кон Рим по пристигнувањето. Ноќевање.
31. декември (четврток) РИМ - ВАТИКАН - НАВОНА
Појадок. Факултативна посета на Ватикан, еден од најголемите музејски комплекси во светот каде се изложени многубројни уметнички дела собрани од Римокатоличката црква низ вековите. Основач е папата Јулиј II во 1506г. Посета на Сикстинската капела, Ватиканските музеи, Рафаеловите соби, црквата Св.Петар... По разгледот, препорачуваме прошетка покрај Замокот на Ангелите и преку Мостот на Ангелите до плоштадот Навона, изграден врз темелите на Стадионот на Доминицијан од 1ви век. Познат и како уметничка четврт на Рим, плоштадот Навона е гордоста на барокот на градот Рим со скулптури и архитектонски дела од Џан Лоренцо Бернини и познатата фонтана Fontana dei Quattro Fiumi... Вечерта индивидуално дочек на Новата Година на некој од познатите плоштади на градот Рим. Ноќевање.
01. јануари (петок) РИМ - (Римокатоличките базилики и гробот на Св.Кирил)
Појадок. Можност за факултативна прошетка низ Рим со јавен превоз и посета на катедралата Сан Џовани Латерано (поранешната претстолнина на Ватикан), базиликата Санта Марија Маџоре, црквата Сан Пјетро ин Винколи и една од најпозните скулптури на Микеланџело - Мојсије, прошетката продолжува покрај Колосеумот (мала пауза за фотографирање) до црквата Сан Клементе каде ќе ги посетиме капелата и гробот на Св. Кирил, во долниот дел на црквата се наоѓаат едни од поважните археолошки ископини, каде ќе имате можност да видите оригинален пагански олтар од 1в.н.е... Враќање до хотел. Вечерта препорачуваме прошетка низ познатиот боемски кварт Трастевере: Црквата Св.Марија ин Трастевере, посета на единствениот остров на Тибар, каде во минатото се појавила и првата Римска Населба... Ноќевање.
02. Јануари (сабота) РИМ - ТИВОЛИ
Појадок. Факултативна посета прекрасната Villa D’Este во Тиволи. Нејзината градина се наоѓаат на листата на светското културно наследство под закрила на UNESCO. Со импресивните петстотини фонтани, нимфи, пештери, игри со вода и музика, претставува копиран модел на најпознатите Европски градини во маниристички и барок стил. Враќање во Рим...Трансфер до аеродромот во Рим во 15:00ч. Лет за Скопје W6 4758 во 18:20ч. Пристигнување во Скопје во 20:05 часот.
Standard – пакет со вклучен панорамски разглед = 599 € (37.138,00 мкд) 569 € (35.278,00 мкд)
Superior – пакет со вклучени 3 разгледи = 679 € (42.098,00 мкд) 649 € (40.238,00 мкд)
Premium – пакет со вклучени 4 разгледи = 759 € (47.058,00 мкд) 719 € (44.578,00 мкд)
РАЗГЛЕДИ И ПОСЕТИ - ПАКЕТОТ ВКЛУЧУВА/НЕ ВКЛУЧУВА:
- Организиран панорамски разглед на Рим:
STANDARD √ (вклучено) | SUPERIOR √ (вклучено) | PREMIUM √ (вклучено)
- Посета на римокатоличките катедрали и гробот на Св.Кирил со вклучена влезница и јавен превоз:
STANDARD (доплата 25€) | SUPERIOR √ (вклучено) | PREMIUM √ (вклучено)
- Посета на Ватикан (со јавен превоз): резервација, слушалки, локален водич и влезница:
STANDARD (доплата 70€) | SUPERIOR √ (вклучено) | PREMIUM √ (вклучено)
- Посета на Тиволи со јавен превоз, резервација, локален водич, слушалки и влезница во Вила Д'Есте:
STANDARD (доплата 80€) | SUPERIOR √ (доплата 80€) | PREMIUM √ (вклучено)
Во цената е вклучено:
- Авионски превоз на релација: Скопје - Рим - Скопје (со Wizz Air) со вклучени аеродромски такси.
- Сместување во Хотел San Lorenzo B&B ***, на база 4 ноќевања со појадок
- Панорамски разглед на градот Рим со локален водич
- Рачна торба торба (20x40x30cm), до 8кг.
- Oрганизирани трансфери во Рим: аеродром - хотел - аеродром
- Организација на аранжманот и придружник на патувањето
Во цената не е вклучено:
- Здравствено - патничко осигурување околу 220мкд
- Туристичка такса: Хотел 3* - 6€/ по лице / ноќевање, се наплатува на рецепција.
- Wizz Priority со голема кабинска торба 55*40*23cm до 10кг
- Пријавен багаж до 20кг – информација во агенција
- Пријавен багаж до 32кг – информација во агенција
- Доплата за седишта еден до друг – информација во агенција
- Доплата за 1/1 соба – 220€
- Билети за превоз со метро 1,5€ по правец / 8,5€ дневен билет 24h
- Влезници за културно-историските споменици
НАПОМЕНА:
- За реализација на факултативните посети, потребен е минимум од 17 патници
- Можни се промени во редоследот на програмата во зависност на работното време на објектите за посета
- Организаторот не одговара доколку објектите го променат работното време или го ограничат влезот
- За овој аранжман важат Општите услови за патување
