ПАРИЗ – НОВА ГОДИНА 2027
29.12.2026 – 03.01.2027
Групно Авионска програма – директен лет од Скопје ✈

ПАРИЗ – Париз, познат како Градот на светлината, е една од најпосетуваните и најромантични дестинации во Европа. Градот плени со својата уникатна архитектура, широките булевари, шармантните улички, богатата историја и светски познатите знаменитости. Од величенствената Ајфеловата кула, импозантниот Лувр и монмартарскиот Сакре-Кер, до живописните брегови на Сена и елегантните Champs-Élysées, Париз нуди совршена комбинација од култура, уметност, гастрономија и незаборавна атмосфера. Во периодот на новогодишните празници, Париз добива посебен сјај – украсените улици, светлечките излози и празничната атмосфера го претвораат градот во прекрасна сцена за дочек на Новата година. Очекувајте незаборавно патување исполнето со историја, уметност, романтика и празнична магија – Добредојдовте во Париз!

ПРОГРАМА НА ПАТУВАЊЕ

1 Ден (29.12.2026) СКОПЈЕ – ПАРИЗ
Состанок на групата на аеродромот во Скопје во 11:00 часот. Полетување за Париз во 13:00 часот со директен лет на авиокомпанијата Wizz Air, W6 4719. Слетување во Париз на аеродромот Beauvais во 16:05 часот. Организиран трансфер до Париз. По пристигнувањето, следува панорамски разглед на Париз и откривање на најпознатите знаменитости на француската престолнина. Ќе поминеме покрај величествените Елисејски полиња и Триумфалната капија, ќе го посетиме плоштадот Конкорд, а потоа ќе продолжиме ко црквата Мадлена, Опера Гарние и елегантниот плоштад Вандом. Разгледот продолжува покрај светски познатиот музеј Лувр, низ историскиот остров Сите и шармантниот Латински кварт, со поглед кон катедралата Нотр Дам, како и покрај престижниот универзитет Сорбона и прекрасниот Луксембуршки парк. Во продолжение ќе ги видиме Домот на инвалидите, Трокадеро и една од најпрепознатливите градби во светот – Ајфеловата кула. По панорамскиот разглед, следува превоз до хотелот и сместување. Слободно време за индивидуални активности, одмор и уживање во новогодишната атмосфера на Париз. Ноќевање.

2 Ден (30.12.2026) ПАРИЗ – АЈФЕЛОВА КУЛА – СЕНА
Појадок. Денот е предвиден за запознавање со центарот на Париз преку пријатна пешачка прошетка низ некои од најубавите и најпознатите делови на градот. Поаѓање со јавен превоз до центарот на Париз. Прошетката започнува во срцето на Париз и продолжува низ историските улици и плоштади, исполнети со карактеристичниот париски шарм. Ќе прошетаме покрај катедралата Нотр Дам, една од најпознатите знаменитости на Париз, а потоа ќе продолжиме низ Латинскиот кварт, познат по своите тесни улички, книжарници, кафулиња и живописна атмосфера. Прошетката продолжува кон Сорбона, еден од најстарите и најпрестижните универзитети во Европа. Во продолжение ќе се упатиме кон Лувр, каде што ќе имаме можност да се восхитуваме на неговата импозантна архитектура и познатата стаклена пирамида. Прошетката продолжува низ градините Тиљери, прекрасен простор кој ги поврзува Лувр со плоштадот Конкорд. Слободно време за кафе, ручек, фотографии и индивидуално уживање во центарот на Париз. Во попладневните часови, пред стемнување, следува факултативна посета на Ајфеловата кула. Уживајте во спектакуларната панорама на Париз од една од неговите најпознати знаменитости. По посетата на Ајфеловата кула, можност за факултативно крстарење по Сена – идеална можност Париз да се доживее од поинаква перспектива, додека пред вас се редат неговите најпознати мостови, споменици и знаменитости. Враќање во хотел со јавен превоз. Ноќевање.

3 Ден (31.12.2025) ПАРИЗ - ЛУВР
Појадок. По појадокот, факултативна посета на музејот Лувр, со организиран превоз со метро. Еден од најпознатите и најзначајните музеи во светот, Лувр се простира во величествен комплекс кој со векови бил поврзан со француската монархија, сè до преселувањето на кралскиот двор во Версај. Во музејот се чува богатство од уметнички дела и ремек-дела од различни историски периоди и цивилизации. Меѓу најпознатите се прочуената „Мона Лиза“ на Леонардо да Винчи, познатата скулптура на Венера, „Крилестата победа од Самотрака“, како и бројни други вредни дела кои го прават Лувр вистински храм на светската уметност. По посетата, слободно време за индивидуални активности и уживање во неповторливата атмосфера на Париз. Вечерта, прошетка до плоштадот Конкорд и по прочуената авенија Шанзелизе, сè до Триумфалната порта, каде што ќе ја дочекаме Новата година во празнична атмосферата на Париз. Прослава на Новогодишната ноќ. По дочекот, враќање во хотелот. Ноќевање.

4 Ден (01.01.2027) ПАРИЗ – ДИЗНИЛЕНД
Појадок. Можност за индивидуална посета на Дизниленд Париз, до кој се пристигнува со градскиот железнички превоз. Пред вас е еден од најпознатите забавни комплекси во Европа, создаден за децата, но и за сите оние кои знаат да се радуваат и да уживаат како деца. Комплексот го сочинуваат Disneyland Park, со своите препознатливи бајковити атракции и ликови, и Walt Disney Studios Park, посветен на светот на филмот, телевизијата и создавањето на познатите Дизни приказни. Посетителите можат да уживаат во бројни атракции, спектакуларни претстави и средби со омилените Дизни ликови. Во рамките на комплексот се наоѓа и Disney Village, шопинг и забавна зона со продавници, ресторани, бутици и места за одмор. Во попладневните/вечерните часови враќање во Париз, или по појадокот, поаѓање со локален транспорт – метро кон еден од најшармантните и најпрепознатливите делови на Париз. Следува прошетка низ Монмартр, познат по своите тесни улички, уметничката атмосфера и неповторливиот боемски дух.
Претпладнето е резервирано за запознавање со автентичниот париски амбиент и историјата на Монмартр – ридот кој кон крајот на XIX и почетокот на XX век бил едно од најзначајните средишта на европската уметничка сцена. Особено во периодот од 1870-тите до Првата светска војна, тука живееле и твореле голем број познати сликари, графичари, писатели, поети и музичари. Евтините ателјеа, кабарето и слободниот боемски начин на живот го претвориле Монмартр во вистински магнет за уметници од цела Европа, меѓу кои Реноар, Ван Гог, Пикасо, Модилјани и многу други. Прошетката продолжува кон Пигал, еден од најпознатите и најживописни квартови во Париз, препознатлив по својата богата историја, ноќниот живот и кабаретската традиција. Следува посета на надворешноста на легендарното Moulin Rouge, едно од најпознатите кабареа во светот и симбол на парискиот ноќен живот. Попладнето е предвидено слободно време за индивидуална прошетка и уживање во Париз.

5 Ден (02.01.2027) ПАРИЗ – ВЕРСАЈ
Појадок. Заминување на факултативна посета на величествениот дворец Версај, со јавен превоз. Изграден по наредба на францускиот крал Луј XIV – „Кралот Сонце“, Версај претставува една од најимпресивните и најлуксузни кралски палати во Европа. За време на посетата ќе ги разгледаме кралските апартмани, прочуената Сала со огледала и дел од раскошниот дворски комплекс, кој сведочи за моќта и величественоста на француската монархија. Ќе уживаме и во погледот кон прекрасните градини на Версај, украсени со бројни фонтани, скулптури и декоративно обликувано зеленило. По завршувањето на посетата, враќање во хотелот со јавен превоз. Слободно време за индивидуални активности. Ноќевање.

6 Ден (03.01.2027) ПАРИЗ – СКОПЈЕ
Појадок. Одјавување од хотел, организиран трансфер до аеродромот. Полетување за Скопје во 14:55 часот, број на лет W6 4720. Слетување во Скопје во 17:40 часот.

Цена по лице во двокреветна соба 699 € / 43.338 мкд

EARLY BOOKING ЦЕНА по лице за резервации до 31.10.2026 665 € / 41.230 мкд
Доплата за еднокреветна соба
355 € / 22.010 мкд
Попуст за трето лице
30 € / 1860 мкд

Во цената се вклучени следните услуги:
✓ Авио билет на релација Скопје-Париз-Скопје со Wizz Air; Аеродромски такси
✓ 5 ноќевања со појадок во хотел 3*
✓ Рачен багаж со (димензии 40x30x20 cm) макс до 10 кг.
✓ Организиран трансфер со автобус од аеродром до хотел и обратно
✓ Разглед на Париз со автобус
✓ Пешачките тури кои се наведени во програмата
✓ Организација на патувањето
✓ Придружник за целиот престој во Париз

Во цената НЕ се вклучени следните услуги:
* Доплата за багаж:
-Чекиран куфер (1 куфер до 10 / 20 кг.) Информации во агенција
* цената на багажот е променлива, Ве молиме да се информирате при резервација.
- Билети за јавен превоз со метро
- Влезница за Ајфелова Кула ( влезница до 2-кат 25 / 35 € / до врвот 35 /45 € )
- Посета на Лувр - 40 € ( влезница и пратител на групата),
- Посета на Версај - 35 € (влезница и пратител на групата)
- Крстарење по Сена – 20 €
- Посета на забавниот парк Дизниленд – Информации во агенција
- Задолжително здравствено и патничко осигурување
- Туристичка такса околу 5,6 € по лице на ден (се плаќа во хотел),

Забелешки:
• Организатор на ова патување е партнер агенција
• За реализација на аранжманот, потребен е минимален број од 20 патници. Во случај на помал број пријавени патници, организаторот го задржува правото да го откаже аранжманот или да ја корегира / зголеми цената на истиот.
• За резервации потребен е аванс од минимум 40% од вкупнот износ на аранжманот и копија од пасош.
• Целосна уплата, најдоцна дваесет (20) дена пред започнување на аранжманот.
• Програмата и редоследот на разгледи и посети може да претрпи промени во зависност од состојба на терен и други објективни причини.
• Организаторот на патувањето го задржува правото, во случај на промена на цената на превозот (авионските билети, аеродромски такси), да ја промени и цената на аранжманот.
• Минимален број за реализација на факултативите по дадените цени во програмата е 20 патници, во спротивно цената може да биде соодветно корегирана.
• Како би се направиле навремени резервации и осигурала реализација на факултативните излети, изјаснување и пријавување за истите задолжително е да се направи во агенција при резервација на аранжманот.
• Валидноста на патните исправи се обврска на патниците, при уплата на резервација должни се да ги приложат во агенцијата за проверка, патната исправа треба да е валидна минимум 3 месеци по завршувањето на аранжманот.
• Организаторот го задржува правото за отказ на аранжманот 7 дена пред патувањето.
• За оваа програма важат Општите Услови на Патување на организаторот